Awmze neia kut beng thin Grey Seals Featured

Mammal tuifinriata cheng thin Whale leh Seal te hian inbiakpawhnan an hram thin, hetih lai hian Grey Seal te hian an pangparh hmang hian an seal puite an be pawp thin tih Monash University-a heti lam zirtute chuan an sawi tlat mai.

“Seal-te hian an pangparh hi kut ben ang mai hian an beng thin tih chu kan hria, sahuanah leh hetiang lam khawina hmunah kan hmu thin. Sahuana ramsa leh tuilam chengte an khawifin ho hi chuan an zirtir angin an ti a ni mai a, chutih laiin tuipuia cheng grey seal te hi chuan an pangparh an bendan erawh a danglam a, awmze thuk tak a nei bawk a ni,” tiin Monash University’s School of Biological Sciences ami Dr David Hocking chuan a sawi.

February ni 3, 2020-a Marine Mammal Science-in an research paper an tlangzarhah chuan hun rei tak hetiang lam video lo lakhawm tawh Dr Ben Burville-a data lakkhawm atanga an hriatchhuah tarlan a ni a. Dr Ben Burville hian kum 17 lai tui chhunga male grey seal nungchang a lo zir tawh a ni.

“Tui hnuaia an pangparh an han bengri hi a ring em em, ka hriat tirh chuan ka awih lo hial zawk. Silai kap ri ang mai a ni. Seal ten boruak awm lohna hmuna khati khawpa an pangparh an bengri thei kha a mak a ni.

“An hun tawn azirin an pangparh an benrik dan hian awmze hrang a nei a. Male grey seal dang laka an inhrosakna a nih rualin chithlah dawna an kawppui turte an zawnna hmanrua a ni bawk.

“Gorrila pain a awm a chum ang deuh hi a ni awm e. Gorrila pain a awm a chum hian, ‘ka chak tawk a ni, ka ram chin ata hi kal bo rawh u,’ a tihna a nih rualin, ‘ka chi hi a tha tawk a ni,’ a tihna a ni bawk a, Chutiang chu a ni e Grey Seal pa ten an pangparh an benrik dan chu,” tiin Dr Hocking chuan a sawi.

Facebook Comments

Tagged under: ,

Back to top