Khawvel pawna hmeichhe awm rei ber Koch Featured

Nasa astronaut Christina Koch chuan hmeichhe zinga khawvel pawna awm rei ber record siamin khawvelah a lo kir leh. Koch hi February ni 6, 2020 khan Russian Soyuz spacecraft hmangin Kazakhstan phul hmunah astronaut dang pahnih nen an rawn tum a ni.

International Space Station (ISS)-ah ni 328 hmangin American Peggy Whitson-i record chu a rawn khum a . Mipa lakah pawh a duai bik lo, US mipa zinga khawvel pawna awm rei ber Scott Kelly-a record siam chu ni 12 chiahin a phak lo a ni.

ISS-a mission a neih lai hian khawvel vawi 5248 lai a hel kual hman a. 223 million km laia thui a thlawk bawk. Tin, thlaah zin ta selang chuan vawi 291 lai thla a tlawh dawn tihna a nih chu.

Soyuz-ah hian Italian European Space Agency astronaut Luca Parmitano leh Russian cosmonaut Aleksandr Skvortsov-te nen an lo haw ho a ni. “Ka tan chuan ka mi ngaihsante hnung ka zui thei hi chawimawina a ni ringawt. Ka nunhlui ka ngaihtuah let a, ka duhthusam ka ti hlawhtling te hi ka lawm a, midang tana entawn tur ka hnutchhiah thei te hi chawimawinaah ka ngai a ni,” tiin lei a rawn rah leh tuma amah kawmtu chanchinbumite hnenah Koch chuan a sawi.

Space Station pawnah kumin January ni 15 leh ni 20 khan Meir nen hun hmangin hmeichhe zinga Space station pawna hun hmang (Space Walk) hmasa ber chu USSR mi Svetlana Savitskaya a ni a, ani khan kum 1984 July ni 25 khan Salyut Space Station pawnah darkar thum aia rei Vladimir Dzhanibekov nen hun an hmang.

Khawvel pawna cham rei te:

  • Valery Polyakov (Russia), 437.7 days, 1994-95 on space station Mir
  • Sergei Avdeyev (Russia), 379.6 days, 1998-99 on space station Mir
  • Vladimir Titov (USSR) and Musa Manarov (USSR), 365 days, 1987-88 on space station Mir
  • Mikhail Kornienko (Russia) and Scott Kelly (US), 340.4 days, 2015-16 on the ISS
  • Christina Koch (US), 328 days, 2019-20 on the ISS
Facebook Comments

Tagged under: , ,

Back to top