Shortcut kan zawn a ngai Featured

Rocket changkang aiin short cut kan mamawh zawk. Kar hmasa khan Elon Musk-a Space X chuan Falcon Heavy an kapchhuak, a hlawhtling hle, Mars a pan anga, hei hi enchhinna a ni a, kum 5 chhung lekin Mars-a mihring tirh mai an tum tawh dawn.

Space Colonization hi khawvel ram changkangte intlansiakna a ni chho dawn, chutih laiin tuna kan technology changkang ber hmang hian thlawkchhuak ta ila, thla (moon) hi ni 3 chhungin kan thleng anga, Mars hi thla 9 chhungin kan thleng ang. Jupiter hi kum 10 chhungin kan thleng anga, Saturn chu kum 20-ah kan thleng ang.

Kan khawvel atanga star system hnai ber chu Alpha Centauri a ni a, hei phei chu inkap kai tur chuan kum 70,000 a ngai dawn, mihring dam chhung hi kum 70 a ni a, chakna avangin kum 100 dam thleng pawh an awm nual. Kum 70,000 chu a rei mah mah a ni.

Arsi-a inkahkai kan tum a nih chuan kawng tawi zawk kan zawn a ngai dawn. Wormhole siam dante hi theory chuan a theih dan a awm, mahse practical chuan engtikah nge kan tih theih ang? Kum tam tak a la duh ngei dawn niin a lang.

Kan dam chhung pawh hian arsiah kan la inkap kai dawn lo niin a lang. Chutih laiin hmasawnna hi a zuanin a zuang a, kum 50 ral hnua an hmuhchhuah tur nia kan ngaihte pawh kum hnih khat chhung lekin an rawn phawrhchhuak ta zung zung mai chu a ni si a, Science fiction kan tihte hi reality a ni chho zel dawn niin a lang ta.

Facebook Comments

Tagged under: ,

Back to top